Send us a text

दुसऱ्या दिवशी सकाळी आईच्या हातात वर्तमानपत्र होतं आणि परीने काढलेला फोटो तिच्या नावासकट पहिल्या पानावर छापला गेला होता.
आता तुम्हाला वाटेल रोज किती तरी असे फोटो पेपरमध्ये छापून येतात. त्यात काय विशेष आहे? सांगते!
कल्पना करा की, हा स्वातंत्र्याच्या पूर्वीचा काळ आहे साधारण १९३० चा आणि एक मुलगी नऊ किलोचा 'रोलीफ्लेक्स' कॅमेरा घेऊन सायकलवर 'बॉम्बे'त फिरतेय- फोटो काढत !
ही मुलगी होती होमाई व्यारावाला ..भारतातील पहिली महिला छायाचित्रकार आणि पत्रकार.

एखाद्या क्षेत्रामधलं, 'पहिलं' असणं ही केवढी भारी गोष्टय ना? एखादी कल्पना कोणलातरी पहिल्यांदा सुचणं, जे आतापर्यंत कोणीही केलं नाही ते करून बघावं वाटणं, मुळात जगण्यासाठी अनवट वाटा निवडणं हे फार धाडसाचं काम आहे !

Send us a text

रावसाहेब तात्याला म्हणाला, “ "आरं तात्या, पुरगी काय गडी बिडी हाय व्हय रं, असं सोबत घिवून फिरायला? असं पुरी ठुरींना घिवून नकु येत जावू. परक्याचं धन ते. वळण चुकलं तर?"

"न्हाय रावसाब, शिकून मुठी साहेबीन करणार हाय म्या तिला."

अंबिका देशामध्ये 124 वी येऊन IPS झाली. एके काळी “पोरगी म्हणजे परक्याचं धन” म्हणणाऱ्यांसमोर,
आज तीच पोरगी वर्दीत उभी होती अभिमानाने, निर्धाराने.

Send us a text

नॉर्वेमधील २९ वर्षांची प्रशिक्षणार्थी करत असताना बर्फाआड लपलेल्या ओढ्यात उलटी कोसळली आणि बर्फाखाली अडकली. तब्बल ८० मिनिटे ती बर्फाखाली होती आणि जवळपास ९ तास तिचं हृदय थांबलेलं होतं. मात्र तीव्र थंडीमुळे शरीरातील क्रिया अत्यंत मंदावल्या, मेंदू सुरक्षित राहिला आणि वैद्यकीय प्रयत्नांमुळे ती पूर्णपणे बरी झाली.

अॅना फक्त स्वतः वाचली नाही. तिने वैद्यकशास्त्राला सांगितलं: “मृत्यू ही रेषा कधी कधी पुढे सरकवता येते.”

ही कथा चमत्कारापेक्षा अधिक—मानवी शरीराची क्षमता आणि विज्ञानाची आशा दाखवणारी आहे.

Send us a text

आयुष्यात, तुम्हाला अधूनमधून साप चावणारच. इथे साप हे एक रुपक आहे.
कोणीतरी तुमचा विश्वासघात करतो. जोडीदार खोटे बोलतो. कुटुंबातील एखादा सदस्य तुमच्याशी गैरवर्तन करतो. मित्र तुम्हाला निराश करतो. सहकारी तुमच्या कामाचे श्रेय घेतो. तुमच्या कामाचे तुम्हाला बक्षीस मिळत नाही. हेच ते चावणारे साप..!!

Send us a text

नंतर गोविंद पंत उभे राहिले, "सदाशिवने सांगितले आम्ही आता जेष्ठ आहोत. अहो, पण आपल्यातल्या बऱ्याच जणांचा बालीशपणा अजूनही आहे. आयुष्य सुंदर जगायचं तर तो खूप फायद्याचा असतो. आम्ही सुरुवातीला फक्त चार जण होतो आणि तेही पुरुषच. पण आता ह्या दोन वर्षात आपला समूह केवढा मोठा झाला बघा! त्याला कारणही ह्या सर्व आपल्या मैत्रिणी. ह्या ग्रुप मधे वेगवेगळे उपक्रम राबवतात. महिन्यातून चार पाच वेळा आपल्या खवय्या पार्ट्या असतात. त्यात आम्ही पुरुष कधी स्वयंपाक घरात घुसलो नव्हतो, आता मस्त डिशेस बनवतो. आपले सारे छंद, आवडी आमच्या संसाराच्या कामामुळे जोपासले नव्हते, ते आता पूर्ण करता आलेत.

Send us a text

आपल्या आतड्यात 100 ट्रिलियनपेक्षा जास्त सूक्ष्मजंतू (बॅक्टेरिया) असू शकतात, जे 300 ते 1000 पेक्षा जास्त प्रजातींचे असू शकतात, आणि त्यांचे एकत्रित वजन सुमारे 1 ते 2 किलोग्रॅम (एका मोठ्या मांजरीएवढे) असू शकते. हे सूक्ष्मजंतू पचनक्रिया, रोगप्रतिकारशक्ती आणि शरीरातील जीवनसत्त्वे तयार करण्यात मदत करतात, आणि ते चांगले आणि वाईट अशा दोन्ही प्रकारचे असू शकतात, जे प्रत्येकाच्या आरोग्यासाठी महत्त्वाचे आहेत, आणि आपण त्यांचे आभार मानले पाहिजेत कारण ते आपल्या जगण्याच्या प्रयत्नांमध्ये खूप चांगल्या गोष्टी करतात.

Send us a text

"प्रेमात पडल्यावर अनेक निर्णय भावना आणि मोहाने घेतले जातात . पण आयुष्यात खरं समाधान हवं असेल, तर काही वेळा फक्त प्रेम पुरेसं ठरत नाही. अशा वेळी मनातला आतला आवाज ऐकावा लागतो… आणि त्यानुसार पाऊल टाकण्यासाठी धाडसही दाखवावं लागतं."

Send us a text

खरेतर बाबा आमटे म्हणाले होते “देश उभा करायला आणि बुडती नाव वाचवायला समुद्रात झोकून देणारे कॅप्टन हवे असतात.” हे कॅप्टन अंगमेहनती असले पाहिजेत, तासंतास एकाग्रचित्त होऊन वाचन करणारे अभ्यास करणारे विचारवंत असले पाहिजेत. रात्रंदिवस प्रयोगशाळेत प्रयोग करणारे शास्त्रज्ञच जपान-जर्मनीसारखे बेचिराख झालेले देश राखेतून उभा करू शकतात. पण आमचे जेंझी आणि अल्फा ज्यांच्यावर मिलनियल्सच्या म्हातारपणाच्या अपेक्षा आहेत त्यांची एकाग्रता पंधरा सेकंदावर आली आहे. आता पुढच्या पिढीतून कुठले अब्दुल कलाम आणि सीव्ही रामन...!!!
याच पिढीच्या खांद्यावर पुढचा देश, पुढचं विज्ञान, पुढचं तंत्रज्ञान उभं राहणार आहे. आणि हि पिढी कुठाय?
१५ सेकंदांच्या जगात बंदिस्त......