Showing results by narrator "Milind Kulkarni" in All Categories

'शारंगधर' हे नाव वा आयुर्वेदिक औषधांचा ब्रॅंड आज घरोघरी परिचित आहे. विविध व्याधींवरील गुणकारी औषधांच्या या ब्रॅंडने ही किमया कशी साधली? डॉ. जयंत अभ्यंकर यांनी या उद्योगाचा पाया घालून तो कसा भरभराटीस आणला आणि आरोग्यदायी अशी ख्याती कशी मिळवली, त्याची ही गोष्ट!

उद्योजकता म्हंटल्यावर काही ठराविक उद्योग डोळ्यासमोर येतात, पण चाकोरीपेक्षा वेगळे व्यवसाय निवडणारी मंडळीही असतात. टॉयलेट हा उद्योग बनू शकतो, असा विचारही सहसा केला जात नाही. राजीव खेर यांनी तो केला आणि टॉयलेटचाही उद्योग होऊ शकतो, हे सिद्ध केलं. त्यांच्या नव्या पायवाटेविषयी…

देवयानी मांडवगणे या तरुणीनं स्वत:चा 'योग-उर्जा' स्टुडिओ कसा उभारला, आरोग्य क्षेत्रातली व्यवसाय संधी शोधून त्याचं सोनं कसं केलं, त्याची गोष्ट!

अशाच विचारांनी प्रेरित झालेल्या आणि त्यासाठी अबुधाबीची भरभक्कम पगाराची नोकरी सोडून भारतात उद्योग उभ्या करणाऱ्या विजय माने यांची ही कहाणी…

शिवण्याच्या मशीनचा शोध लागल्यानंतर जगात ख-या अर्थाने वस्त्र क्रांती झाली. अन्न, वस्त्र, निवारा या माणसाच्या मूलभूत गरजा मानल्या जातात. यातील वस्त्राची गरज शिवणयंत्राशिवाय भागणे शक्यच नव्हते. जगातल्या सर्व देशांमध्ये सातत्याने चालणारा व्यवसाय हा शिवणाचा आहे. या व्यवसायाचा जनक सिंगर याने हा व्यवसाय जगभर कसा पोहचवला याची ही कहाणी...

आय.टी.मध्ये नोकरी करणाऱ्या पल्लवी उटगी यांनी स्वत: आई झाल्यानंतर नोकरीला रामराम करून एका उद्योगाची सुरूवात केली. हा उद्योग त्यांना सुचला तो त्यांच्या मातृत्वादरम्यान, बाळाला लागणाऱ्या उत्तम, आरोग्यदायी डायपर्सच्या गरजेतून. भारतात अनेक प्रकारची डायपर्स मिळतात, शिवाय जुन्या काळापासून लहान बाळांकरता लंगोटही वापरले जातात, तरीही हे पर्याय पल्लवी यांना का सोयीचे वाटले नाहीत? मग त्याकरता त्यांनी कोणता पर्याय शोधून काढला? त्याचंच रुपांतर पुढे उद्योगात कसं झालं, त्याचीच ही कहाणी! ऐका, मिलिंद कुलकर्णी यांच्या आवाजात.

कोणत्याही व्यवसायाच्या वाढीसाठी, प्रसारासाठी त्याच्या शाखा अथवा फ्रॅंचायझी जास्तीत जास्त असणं हे चांगलं मानलं जातं. अर्थातच सर्व ठिकाणी गुणवत्ता एकसारखी असणं हेही तितकंच महत्वाचं आहे. संगणक शिक्षणाच्या बाबतीत एमकेसीएलने 8000 हून अधिक फ्रँचायझी देण्याचा प्रयोग यशस्वी केलेला आहे, तो कसा हे जाणून घेऊया.

व्यवसायात केवळ व्यावसायिक भानच नव्हे तर सामाजिक बांधिलती जपत, लोकांच्या मनातही ती वृद्धिंगत करणाऱ्या एका आगळ्यावेगळ्या पर्यटन व्यवसायाची ही यशोगाथा!

शेतीवर आधारित अथवा शेतीला पूरक उद्योगांची संख्या अमाप आहे. थेट अन्नधान्याशी निगडीत उद्योगांचा तर त्यात प्रामुख्याने समावेश आहेच. पण इतरही अनेक उद्योग त्यातून उभे राहू शकतात. अशाच एका उद्योगाची आणि उद्योजकाची ही कहाणी…

सौंदर्याची संकल्पना फक्त स्त्रीवर्गाशी जोडण्याचा जमाना आता मागे पडलाय. पुरुषांनाही सुंदर करू पाहणाऱ्या जाहिराती टीव्हीवर आता सर्रास दिसतात. अलीकडच्या काळात प्रेंझेेंटेबल दिसावं यासाठी सगळेचजण प्रयत्न करतात. त्यामुळेच पार्लर व्यवसायात असंख्य संधी तयार झाल्या आहेत. पुरुषांसाठी ब्युटी पार्लर ही संकल्पना साकारणारे डॉ. विनय कोपरकर त्याच संधींविषयी सांगत आहेत.

अनेकमजली अशा या भव्य दुकानात लग्न वा इतर कोणत्याही समारंभाकरता शेकडो प्रकारचे पारंपरिक पोशाख मिळतात. या दुकानाला लोकांची खूप पसंती मिळते. असं काय खास आहे या दुकानात…आणि या उद्योगाची जन्मकहाणी ऐकुया यशस्वी उद्योजकच्या या भागात.

स्वप्नील हा तरुण उद्योजक जुने कपडे दहा रुपये दराने विकत घेतो आणि त्यापासून विविध उत्पादने तयार करून विकतो. जुन्या कपड्यांपासून नवे कपडे आणि इतर वस्तू बनवण्याच्या त्याच्या या आगळ्यावेगळ्या उद्योगाबद्दल ऐका, यशस्वी उद्योजकच्या या भागात.

एमडीएच मसाले हा ब्रॅंड आपल्या सगळ्यांना ठाऊक आहे. घरोघरी लोकांच्या 'जिभेवर' असणारं हे ब्रँडनेम इतकं मोठं झालं तरी कसं? त्याचीच ही सुरस कहाणी!

उच्च शिक्षण, तंत्रज्ञानात नवनवीन प्रयोग करून पाहण्याची उर्मी, सतत नव्या उत्पादनांचा ध्यास आणि मायभूमीशी घट्ट जुळलेली नाळ या चारही गोष्टींचा संगम म्हणजे डॉ. रविंद्र कुलकर्णी या उद्योजगाचं व्यक्तिमत्व आहे.

वयाच्या सोळाव्या वर्षांपासून वडिलांच्या कंपनीत काम करण्यास सुरुवात केलेली लहानगी देविता काहीच वर्षात आपल्या मेहनतीच्या जोरावर कंपनीची सीईओ बनली. इतकंच नाही तर टेलिव्हिजन व्यवसायातही तिनं स्वत:चं वेगळ काम निर्माण करून त्यावरही आपली नाममुद्रा उमटवली. देवितासारख्या महत्वाकांक्षी मुलीला हे कसं साध्य झालं?

भेळेचा व्यवसाय एखाद्याला हातावर पोट असलेला भेळवाला ते करोडपती भेळवाला इतकं मोठं करू शकतो. उदरनिर्वाहासाठी चार पैसे मिळवण्यासाठी आईने सुरू केलेल्या या व्यवसायाचं स्वरुप कल्याण भेळेच्या मालकांनी आमूलाग्र बदलून टाकलं आहे. दशदिशांनी वाढणाऱ्या पुण्यातील खवय्यांनी आपल्या पसंतीचा शिक्का कल्याण भेळेवर ठळकपणे उमटवला आहेच, पण परदेशात राहणाऱ्या मराठी मंडळींनी देखील या भेळेला आपलंसं केलेलं आहे.

लग्न, बारसं, मुंज अशा अनेक कार्यक्रमांसाठी मंडप उभारणी, पडदे सजवणे, फुलांची आरास करणे अशा छोट्या मोठ्या कामातून बघता बघता एक यशस्वी उद्योग कसा आकाराला आला, त्याची ही गोष्ट! ऐका मिलिंद कुलकर्णी यांच्यासह!

होजिअरी म्हंटलं की पुणेकरांच्या डोळ्यासमोर हमखास येणारं नाव म्हणजे शालगर. ही किमया शालगर उभारणाऱ्यांनी कशी साधली? ऐका, यशस्वी उद्योजकच्या या भागात!

साध्या गृहिणीपासून ते उद्योजक होण्यापर्यंतचा कमल कुंभार यांचा प्रेरणादायी प्रवास कसा झाला… ऐका, मिलिंद कुलकर्णी यांच्यासह.

उद्योजिका होण्याचं ध्यानीमनी नसताना एखादी गृहिणी एक यशस्वी उद्योजिका होते, उद्योगही असा निवडते की त्यामुळे शेतीसाठी मोठ्या प्रमाणावर सेंद्रिय खत तयार होईल, खेड्यापाड्यातल्या अनेक महिलांना रोजगार मिळेल.