Kurseong ki Death Road par chhupi hai ek aisi kahani, jo aaj bhi kisi ke sunne ka intezaar kar rahi hai...

Victoria Boys’ School – ek band pada school, ek lapata professor, aur ek bina sir ka baccha.

Anirban Chatterjee keval shodh karne gaya tha… lekin kabhi lautkar nahi aaya.

Kya aap uski aakhri likhi diary padhne ka saahas rakhte hain?

Sannata aaj bhi kuch kehta hai… aur dhundh ke beech koi aapka naam pukaar raha hai...

Yeh kahani hai Hotel Pine ke Room Number 310 ki, jahan 35 saal pehle ek nayi-naveli dulhan rahasyamayi haalaat mein balcony se neeche girkar mar gayi thi. Saal 2024 mein, solo traveler Kavya usi kamre mein theherti hai, aur tabhi shuru hoti hain ajeeb ghatnayein — bhaaripan, darawni aawazein aur ek anandekhi taqat jo use maut ki aur kheenchna shuru kar deti hai.

Jaise-jaise raat gehrati hai, parchaiyan paas aati jaati hain aur Room 310 ka wo khaufnaak sach saamne aane lagta hai, jise jaanna shayad kisi ke liye surakshit nahi.

Yeh kahaani apni khud ki risk par sune...par sune zaroor.

Yeh kahani hai Tawang Monastery ke uss darawane rahasya ki jo 1962 ke India-China war ke daruran janma. Arunachal Pradesh's ke oonche pahado mein buddhist monks ne jo 50 din ki saadhna shuru ki thi woh sabse kadi saadhnao mein se ek thi.

Par isi beech yuddh chalu ho gaya, lekin andar mantra jaap nahi ruka, saalo baad jab ek scientist wahan pahucha tab usse dikha ki woh saadhna abhi bhi poori nahi hui thi...

Pushkar, Rajasthan ke paas Sudhabay Kund hai—ek pracheen kund, jiske baare mein maana jaata hai ki suraj dhalne ke baad yeh andheri shaktiyon ko jaga deta hai.Ek family apni beti ke ajeeb behavior ka ilaaj dhundhne yahan aati hai, bina yeh jaane ki woh ek sakht warning todne wali hai.Jo safar shraddha aur umeed se shuru hota hai, wahi jaldi hi ek bhayanak anubhav mein badal jaata hai—kyunki kuchh wahan se unke saath laut aata hai.Jab sach aur bhram ke beech ki rekha mitne lagti hai, do behnein ek sadiyon purane shraap ke daldal mein phans jaati hain.Yeh sirf bhooton ki kahani nahi—yeh ek chhoti si bhool ki keemat hai, jo andhere ka darwaza khol deti hai.

Kisi ka pyaar agar saari hadd paar kar de toh kya hota hai? Woh rishte ghutan ka roop le lete hai. Jisme pyaar nahi pagalpan reh jaata hai. Yeh Kahani ek aise parivaar ki hai, jo saalo se phasa hai ek pinjre mein, jo bas qaid karna jaanta hai.

Jab anjaan Meera iss family ki kahaani ke kareeb aati hai, tab yahan ki buri shaktiyan usse trap karne lagti hai. Kya Meera bach payegi? jaan ne ke liye dekhiye poori kahani.

Aapko lagta hoga ki ek Army base desh mein sabse safe jagah hai. Par aisa nahi hai, aatmao aur bhooton se Army base bhi safe nahi hai, especially tab jab uss Army base mein kuch aisa hua ho jisse innocent jaane kurbaan hui ho.

Yeh kahani hai ek Army truck driver ki jo uske truck mein se mysteriously gayab ho gaya tha. Na koi saboot, na koi suraag. Bas ek radio message - Convoy lost.

Iss message ke peeche ki kahaani jaan ne ke liye dekhiye poori kahani.

Delhi - kehne ke liye toh desh ka capital, logo aur roshni se bhara shahar. Kya aise bade shahar mein koi bhi aisi jagah ho sakti hai jo ek dum soonsaan ho, haunted ho? sun ke impossible lagta hai na...par iss mega city mein ek jagah hai jahan ek time ke baad koi nahi jaata. Kyunki wahan dikhti hai ek aurat, safed saadi mein.

Agar kabhi bhi aapko koi local insaan iss area ke baare mein warning de, toh usse seriously lena. Varna Vikram Malhotra ke saath jo hua woh aapke saath bhi ho sakta hai...

Poori kahani abhi dekhiye!

Forgotten Jail - yeh naam sunkar aapko laga hoga, iss kahani mein kya horror hai? ek minute ke liye imagine kijiye ki ek jail mein kaisa rehta hoga kaidiyon ka jeevan.

Unhe jis tarah ki sazaye milti hongi, woh hamari aur aapki soch ke pare hai. Ab aisi situation mein agar kaidiyon ko koi bahar nahi nikale aur Jail band kar de toh? Unka shareer toh nasht ho jaata hoga, par unki aatma...woh ab bhi Jail mein bhatakti hogi. Woh jhakhm, dard aur dukh ko relive kar rahi hogi.

Kyunki unke naseeb mein kabhi azaadi nahi likhi thi. Toh chaliye chalte hai inn aatmao ke saath kuch time bitaane...