Ek is in Amsterdam om ’n PhD aan die Vrije Universiteit te doen. Ek het’n beurs vir 22 maande, maar het reeds besluit dat ek vir ewig hier wil bly. Azille Coetzee het besluit om in Europa aan te bly. Maar iets voel nie reg nie…Daar is tog altyd die vraag: Watter herkoms hou die styfste vas, Afrika of Europa? 

Lauretta Blom is al jare lank dolgelukkig in die rol van ma en eggenoot in haar pynlik netjiese wit-en-beige droomhuis. Maar een Donderdagoggend laat die skynbaar onbenullige optrede van haar man haar gedagtes oortyd werk. Gou voel dit asof al die sekerhede in haar lewe wankel. Retta begin dinge doen wat sy nooit vooheen sou oorweeg het nie. ’n Road trip Kaap toe lei tot onverwagse ontdekkings–nie net oor haarself nie, maar ook oor Tobias, die man met wie sy ses-en-twintig jaar getroud is.

’n Nuwe lewe wag op hom. In 1939 bars die oorlogbom in Europa. Drie miljoen kinders word uit London ontruim na veiliger gebiede. Een van hulle is die sesjarige Charles Smith, op pad na ’n onbekende tante van sy pa in ’n klein dorpie in Skotland. By aunty Grace wag ’n nuwe lewe op hom. Aan die anderkant van Europa ruk die Duitse Sesde Leër op teen Rusland. Tussen die manskappe is die vurige majoor Oswald von Stein, Hildegard se stiefseun. Voor hulle wag die Russiese winter, Stalingrad en die krygsgevangenekampe van Siberië. 90 000 word gevange geneem, net sesduisend oorleef.

Dis 1963, en 'n jong vrou kry werk in 'n boekwinkel in Bloemfontein. En verloor haar hart. Die laaste kanariegeel notaboek is die jongste roman uit die pen van blitsverkoperskrywer Anchien Troskie. Niks is ooit soos dit lyk op die oppervlak nie, besef ’n mens weer met die lees van hierdie aangrypende storie binne 'n storie.

Duits Suidwes-Afrika, 1905. Die tengerige Siegfried Bock kom as soldaat na die protektoraat om sy staal te wys, maar hy word gou ontnugter. Lisbeth Löwenstein is hier om met 'n man te trou wat sy skaars onthou. Mordegai Guruseb ontsnap uit 'n konsentrasiekamp waar gevangenes van ontbering omkom. En dan is daar die mislukte dokter Albert Pitzer wat hoop om data te versamel wat sy teorieë staaf. Alvaus Luipert, 'n plaaslike skoolmeester, duld egter nie sy vernederende metodes nie.